النجاح في البراميل من تدريب 4 ساعات فقط والشارع من اسبوع واحد..

بدأت أتعلم سياقه في 7/2020 ، تدربت في البداية لمرحلة البراميل مع مدربة لمدة شهر وبصعوبة اتقنتهم ، بس رسبت فالتراي الاول وقدمت الثاني بعد شهر ورسبت ، وتوقعت اني ما بنجح ابدا لان كنت ألوم نفسي ما أفهم شيء بسيط مثل البراميل ! . ثم انتقلت للتدريب مع مدرب لمدة شهرين قدمت فيهم ترايين ورسبت فيهم ، طبعا المدرب كان يوميا يسمعني كلام سلبي ، واني مهما حاولت ما راح انجح ، فما قدرت اكمل معه لان لو رسبت زيادة كنت بوقف تعليم من شدة الاحباط. 

فقررت أبدا مع مدرسة بن عيد وتدربت مع أ.وليد لمدة 4 ساعات وشفت فرق التدريب بمراحل وكيف التدريب الصح يخليك تدخل التراي بثقة وقدمت الاختبار وطبعا نجحت من أول محاولة . 

في مرحلة الشارع تدربت مع مدربة كانت طيبه وتبذل كل جهدها معي ، بس يمكن خبرتها كانت محدودة في التعليم وتستخدم طريقة معينه للتعليم ، ولو أنا ما فهمت تكررلي نفس الطريقه وماعندها بديل .. تدربت تقريبا 3 أشهر وهذي مدة طويلة قدمت فيهم ترايين و رسبت ، وأصلا مستواي ما تحسن أبدا وكنت احس إني أهدر الوقت و المال لو استمريت ! فقررت أتواصل مره مع مدرسة بن عيد وانا في قمة الاحباط لدرجة كنت اريد اوقف تدريب ... طبعا تواصلت مع الاستاذ وليد و اقنعني أجرب اتدرب معاهم ساعة في الشارع و كان مشرف على تدريبي أ. خالد الصقري .. تدربت معه تقريبا لمدة اسبوع فقط وحسيت بفرق التعليم ، كان مستعد يشرح لي بأي طريقة ، بالصور وبالرسومات و الفيديوهات أهم شي عنده اني أفهم و أطبق صح .. وفعلا خلال اسبوع تحسن مستواي بمراحل وصرت مستعده اقدم التراي ، وقدمت ونجحت من أول محاولة  بدون أخطاء وكان نهاية رحلة تعليم السياقة .
أخيرا اي شخص يقرر يتدرب سياقه لازم يحط فبالة شيئين : أول شيء ما يقارن نفسة ورحلته في التعليم بأي شخص ومهما صار ما يستسلم ، و الشئ الثاني يختار المدرب الصح لان يفرق بشكل كبير ويقلل مدة التعليم ، وكان ممكن انجح واتعلم أسرع لو تعلمت من البداية مع المدرب الي يقدر يقوي نقاط الضعف معي ويركز عليها.